ஆனால் வரும் வழியிலேயே அவர் பரிதாபமாக இறந்தார்.  இதற்கிடையில் அமைச்சருடன் வந்த பாதுகாப்பு படை வீரர்கள் தப்பியோடிய கும்பலை விரட்டிச் சென்றனர். அவர்கள் தாங்கள் வைத்திருந்த நாட்டு வெடிகுண்டுகளை கீழே போட்டு விட்டு ஓடினர். மேலும் அவர்களில் ஒருவன், பாதுகாப்பு படை வீரர்கள் கார் மீது நாட்டு வெடிகுண்டை வீசினான். இதில் கார் லேசான சேதம் அடைந்தது. இதையடுத்து பாதுகாப்பு படை வீரர் ஒருவர், அவர்களை நோக்கி துப்பாக்கியால் சுட்டார். ஆனால் யார் மீதும் குண்டு பாய வில்லை.  6 பேரும் ஆற்றை கடந்து அங்குள்ள வாழைத்தோட்டம் வழியாக தப்பியோடி விட்டனர். தகவல் அறிந்ததும் நெல்லை டி.ஐ.ஜி. கண்ணப்பன், எஸ்.பி. ஆஸ்ராகர்க் ஆகியோர் தலைமையில் போலீசார் சம்பவ இடத்திற்கு வந்து விசாரணை நடத்தினர். 

இதில், சப்.இன்ஸ்பெக்டர் வெற்றிவேல் ஆள் மாறாட்டத்தில் கொலை செய்யப்பட்டிருப்பது தெரிய வந்துள்ளது.கடையம் காவல் நிலை யத்தில் சப்.இன்ஸ்பெக்ட ராக வேலை பார்க்கும் சிவ சுப்பிரமணியன் என்பவர், ஸ்ரீவைகுண்டம் தெப்பகுளத் தெருவைச் சேர்ந்த ஆறு முகத்தேவர் மகளை திரு மணம் செய்திருந்தார். கருத்து வேறுபாடு காரண மாக கணவன், மனைவி இருவரும் பிரிந்து விட்டனர். மனைவி கொடுத்த புகாரின் பேரில் சிவசுப்பிர மணியன் மீது கோர்ட்டில் வரதட்சணை கொடுமை வழக்கு நடந்து வருகிறது. இதுதொடர்பாக சஸ் பெண்ட் செய்யப்பட்ட சிவ சுப்பிரமணியன் ஐகோர்ட் உத்தரவின் பேரில் மீண்டும் பணியில் சேர்க்கப்பட்டார்.
 
இதையடுத்து மனைவியின் உறவினர்கள், சிவசுப்பிர மணியனை சந்தித்து அவருடன் சேர்ந்து வாழும்படி  கூறியுள்ளனர். ஆனால் அதற்கு  அவர் மறுத்து விட்டதாக தெரிகிறது.இதைத்தொடர்ந்து அவரை பழிவாங்க திட்ட மிட்டனர். சிவசுப்பிரமணியன் பைக்கில் செல்லும் போது ஹெல்மெட் அணிந்து செல்வார்.அமைச்சரின் பாதுகாப்பு பணியில் ஈடுபட்டிருக்கும் போது அவரை தீர்த்து கட்ட வேண்டும் என்று திட்டமிட்ட மனைவியின் உறவினர்கள் வெடிகுண்டு, அரிவாள் உள்ளிட்ட ஆயு தங்களுடன் ஆழ்வார் குறிச்சிக்கு வந்துள்ளனர்.  சப்.இன்ஸ்பெக்டர் வெற்றிவேலும், சிவசுப்பிர மணியனை போன்றே உடல்வாகு கொண்டவர். மேலும் வெற்றிவேலும் சாலைபாதுகாப்பு வாரத் தையடுத்து நேற்று ஹெல்மெட் அணிந்து கொண்டு பைக்கில் வந்துள்ளார்.

 
போலீஸ் மரியாதையுடன் உடல் தகனம், கொலை செய்யப்பட்ட வெற்றிவேலின் சொந்த ஊர் சாத்தூர் அருகே உள்ள உப்பத்தூர் ஆகும். இவருக்கு பிரேமா என்ற மனைவியும், அசோக்குமார் (15) என்ற மகனும், சிந்துபாரதி (13) என்ற மகளும் உள்ளனர். மனைவியின் ஊரான சங்கரன்கோவில் அருகே உள்ள முள்ளிகுளத்தில் வெற்றிவேல் குடும்பத்துடன் வசித்து வந்தார். மகன் அசோக்குமார் 8.ம் வகுப் பும், மகள் சிந்து 4.ம் வகுப்பும் படிக்கின்றனர்.
 
வெற்றிவேல் கொலை செய்யப்பட்டதை அறிந்ததும் அவரது மனைவி மற்றும் உறவினர்கள் நெல்லை அரசு மருத்துவக் கல்லூரி மருத்துவமனைக்கு வந்து அவரது உடலை பார்த்து கதறி அழுத காட்சி பரிதாப மாக இருந்தது. வெற்றிவேலின் உடல் இன்று பிரேத பரிசோதனை செய்யப்பட்டு உறவினர்களிடம் ஒப்படைக்கப் பட்டது.